DK ( Hair & Makeup School)

No(169),1-Floor,Nearly-Sin Yay Twin Bus-Stop,Insein Rd. Kamayut, Yangon, Burma

Save
Share

Be the first one to rate! Submit Review

ဆံပင်နဲ့ မိတ်ကပ်ပညာဆိုတာ ကိုယ်ပိုင်ဖန်တီးမှုနဲ့ စိတ်ကူးစိတ်သန်းတွေအပေါ် အဓိက မူတည်နေတဲ့ အနုပညာတစ်ရပ် ဖြစ်ပါတယ်။ ဆံပင်လေး ထုံးတတ်ရုံ၊ မိတ်ကပ်လေး လိမ်းတတ်ရုံနဲ့ ဆံပင်မိတ်ကပ်ပညာရှင်တစ်ယောက် ဖြစ်မလာနိုင်ပါဘူး။ ဆံပင်မိတ်ကပ်ပညာရှင်တစ်ယောက် ဖြစ်ဖို့ ကြိုးစားအားထုတ်မှု၊ လေ့လာမှု၊ ဖန်တီးမှုတွေ အများကြီး လိုအပ်ပါတယ်။ ဆံပင်ပညာရပ်မှာလည်း လူတစ်ယောက်ရဲ့ ရုပ်ရည်၊ သူ့ပုံစံအလိုက်၊ နေရာထိုင်ခင်းအလိုက် လိုက်ဖက်တင့်တယ်အောင် ပြင်ဆင်ထုံးဖွဲ့ ပေးရသလို မိတ်ကပ်ပညာမှာလည်း ပွဲတက်မိတ်ကပ်၊ ထသွားထလာမိတ်ကပ်၊ နေ့စဉ်အသုံးပြုနိုင်တဲ့ မိတ်ကပ် ဆိုပြီး အမျိုးအစား အများကြီး ကွဲပြားပါတယ်။ Professional ဆံပင်နှင့် မိတ်ကပ်ပညာရှင်တစ်ယောက် ဖြစ်လာဖို့အတွက် ရှုပ်ထွေးကျယ်ပြန့်လှတဲ့ ဆံပင်နှင့် မိတ်ကပ်ပညာရပ်အကြောင်းတွေ စေ့စေ့စုံစုံ သိထားဖို့ လိုအပ်သလို ကိုယ်ပိုင် ဖန်တီးမှုနဲ့လည်း ကျွမ်းကျင်ပိုင်နိုင်စွာ ပေါင်းစပ်တတ်ဖို့ လိုအပ်ပါတယ်။ အရောင်ပေါင်းစပ်ခြင်း၊ မိတ်ကပ် ဖန်တီးမှုများအကြောင်း၊ ဆံပင် ဆင်ယင်ထုံးဖွဲမှု အဆင့်ဆင့်ကို DK Hair&Makeup School မှာ အသေးစိတ် နည်းစနစ်တကျ သင်ယူနိုင်မှာ ဖြစ်ပါတယ်။

School Features

.အရည်အချင်း ပြည့်ဝတဲ့ ဆရာ

DK ကျောင်းရဲ့ ဆရာဖြစ်သူက Russia နိုင်ငံ Moscow ြ်နာမည်ကြီး Makeup Academy တစ်ခုဖြစ်တဲ့ Iconface Beauty Agency မှာ သွားရောက်ပညာသင်ကြားခဲ့သူ တစ်ဦးဖြစ်ပါတယ်။ အရည်အချင်း ပြည့်ဝမှု၊ စိတ်ရှည်သည်းခံမှုနဲ့ နိုင်ငံတကာ မိတ်ကပ်ပညာကို နှံ့စပ်ကျွမ်းကျင်မှုတွေကတော့ သူ့ရဲ့ အားသာချက်တွေပါပဲ။

မြန်မာနိုင်ငံတွင် ပထမဆုံး ဖွင့်လှစ်သည့် Face Chart Artist Class

DKကျောင်းရဲ့ အထူးခြားဆုံး အချက်တွေထဲမှာ Face Chart Artist Class ဟာလည်း တစ်ခုအပါအဝင် ဖြစ်ပါတယ်။ Face Chart ဆိုတာ cosmetic နဲ့ ရေးဆွဲရတဲ့ Makeup ဖန်တီးမှု တစ်မျိုးဖြစ်ပါတယ်။ Face Chart အကြောင်း သင်ယူပြီး Makeup look အမျိုးမျိုးကို ဖန်တီးနိုင်ခြင်း၊ Color creation များ ကျွမ်းကျင်ပိုင်နိုင်စွာ ရေးဆွဲနိုင်ခြင်းနှင့် ကိုယ်ပိုင် မိတ်ကပ်ဖန်တီးမှုများ ပြုလုပ်နိုင်မှာ ဖြစ်ပါတယ်။

အလုပ်သင်ယူခွင့်

သင်တန်းပြီးသွားလို့ အလုပ်ဆက်လုပ်ချင်တယ်ဆိုရင် ဆရာ့ဆီမှာပဲ ပညာသင်လို့ ရပါတယ်။ shooting တွေ၊ မိတ်ကပ်ပြင်ပေးတာတွေကို အနီးကပ် လေ့လာခွင့် ရမှာ ဖြစ်ပြီး တော်ရင်တော်သလို အလုပ်အကိုင် အခွင့်အလမ်းတွေလည်း ရရှိဦးမှာ ဖြစ်ပါတယ်။

သင်တန်းများ

DK MAKEUP SCHOOL CURRICULUM

Courses, အလှအပရေးရာ

အလုပ်အကိုင်အခွင့်အလှမ်းများ

ဆံပင်နှင့် မိတ်ကပ်ပညာ သင်ယူတတ်မြောက်ထားတဲ့ သူတွေအနေနဲ့ Makeup Artist, Hair Stylish, Cosmetic & Beauty Guide စတဲ့ အလုပ်အကိုင်တွေကနေ အလှအပလောကထဲကို ခြေဆန့်ဝင်ရောက်နိုင်ပါတယ်။ အတွေ့အကြုံ ရင့်ကျက်မှုနဲ့ ကျွမ်းကျင်မှုတွေ ပါဝင်ပေါင်းစပ်လာတဲ့အခါ နာမည်ကျော် အနုပညာရှင်တို့ရဲ့ ပင်တိုင် Makeup Artist ဒါမှမဟုတ် Hair Stylish အနေနဲ့ ရပ်တည်နိုင်သလို ရိုက်ကူးရေးအတွက်၊ ပွဲတွေအတွက် ခြယ်သပြင်ဆင်ပေးရတဲ့ ဆံပင်နှင့် မိတ်ကပ်ပညာရှင်လည်း ဖြစ်လာနိုင်ပါသေးတယ်။ Social Media ပိုင်းကို စိတ်ပါဝင်စားသူဆိုရင်တော့ Beauty Blogger တစ်ယောက်အနေနဲ့လည်း လုပ်ကိုင်နိုင်သလို cosmetic အကြောင်းတွေ နှံ့စပ်ကျွမ်းကျင်လာတာနဲ့အမျှ အလှအပရေးရာ အကြံပေးအဖြစ်လည်း ရပ်တည်နိုင်ပါသေးတယ်။ စာအရေးအသားပိုင်း ဝါသနာပါရင် အလှအပရေးရာ ဆောင်းပါးတွေလည်း ရေးလို့ ရသေးတာမို့ ဆံပင်နဲ့ မိတ်ကပ်ပညာ ကျွမ်းကျင်သူ တစ်ယောက်အနေနဲ့ကတော့ ဘယ်သွားသွား အလုပ်တွေက မရှားလှပါဘူး။ ကိုယ့်အရည်အချင်း၊ လေ့ကျင့်မှု နဲ့ ဖန်တီးမှု စွမ်းရည်အလိုက် Professional တစ်ယောက်အဖြစ် အတားအဆီးမရှိ တက်လှမ်းသွားနိုင်တဲ့ အနုပညာတစ်ရပ်ပဲ ဖြစ်ပါတယ်။

ဓါတ်ပုံ Gallary

[vc_carousel_parent wdo_slide_loop=”true” wdo_auto_play=”true” wdo_hover_pause=”true” wdo_nav_arrows=”true” wdo_slidein_animate=”no-animation” wdo_slideout_animate=”no-animation”][vc_carousel_image_over_image wdo_image_effect=”style1″ wdo_front_image=”4112″][vc_carousel_image_over_image wdo_image_effect=”style1″ wdo_front_image=”4108″][vc_carousel_image_over_image wdo_image_effect=”style1″ wdo_front_image=”4109″][vc_carousel_image_over_image wdo_image_effect=”style1″ wdo_front_image=”4110″][vc_carousel_image_over_image wdo_image_effect=”style1″ wdo_front_image=”4111″][/vc_carousel_parent]